Guvernatori i Toskanës, Eugenio Giani, tregoi të dielën se vlerësimi i dëmeve të shkaktuara nga moti i keq ekstrem dhe përmbytjet në rajon të enjten e kaluar kanë mbërritur në gjysmë miliardë euro.

Shtatë persona janë raportuar të vdekur në Toskanë pasi stuhia Ciaran goditi rajonin me erëra të forta dhe reshje shumë të dendura të enjten në mbrëmje dhe natën, duke shkaktuar përmbytje të mëdha.

Situata është përkeqësuar nga moti i keq i mëtejshëm të shtunën. Të dielën në mëngjes, kryebashkiaku i Quaratta-s, Gabriele Romiti, e përshkroi situatën në qytetin pranë Pistoia-s si "kritike" dhe këshilloi popullsinë vendase të zhvendoset në katet e sipërme dhe të shmangë daljen jashtë.

Të shtunën mbrëma, Giani tha se rreth 1,200 njerëz ishin duke u evakuuar si masë paraprake në komunat Montemurlo, Montale dhe Prato në pritje të motit të mëtejshëm ekstrem. Ata u akomoduan në ambiente komunale dhe palestra. /ANSA.

Gjendet i vdekur një person i zhdukur pas përmbytjeve në Toskana - KosovaPress