Presidentja e Kosovës, Vjosa Osmani, ka takuar sot në Nju Jork homologun e saj nga Guineja Bissau, Umaro Sissoco Embalo, me të cilin ka diskutuar mbi  bashkëpunimin ndërmjet dy shteteve.

E para e shtetit tonë me këtë rast ka theksuar se ky takim ishte një mundësi e shkëlqyer për të diskutuar mënyra për ta rritur bashkëpunimin në dobi të qytetarëve tanë, si dhe për ta forcuar tutje pozitën ndërkombëtare të Kosovës.