Ukraina ka kryer sot sulmin e parë me raketat britanike "Storm Shadow" në Rusi, sipas raportimeve të mediave.

Një zëdhënës i kryeministrit Keir Starmer nuk pranoi të komentonte përdorimin e raketave britanike, duke thënë se zyra e tij nuk do të komentonte mbi raportet apo çështjet operative.

Gazeta britanike Guardian ka mësuar se raketat janë përdorur vërtet, ndërsa Bloomberg në raportin e tij të mërkurën, duke cituar një zyrtar perëndimor të paidentifikuar, konfirmoi gjithashtu përdorimin e tyre.

Një kujtesë se këto janë raketa britanike, raketa të NATO-s.

Foto të pakonfirmuara janë shfaqur në aplikacionin Telegram që supozohet se tregojnë fragmente raketash në një vendndodhje brenda rajonit Kursk.

Britania e Madhe ka deklaruar më parë se Ukraina mund të përdorë raketa lundrimi Storm Shadow ekskluzivisht brenda territorit ukrainas. Megjithatë, qeveria e presidentit Volodymyr Zelensky ka kërkuar leje prej muajsh për të përdorur këto raketa për të sulmuar objektivat brenda Rusisë.

Pak muaj më parë u shfaq informacioni se Britania kishte dhënë leje për përdorimin e Storm Shadow në territorin rus, por nuk u konfirmua asnjëherë zyrtarisht.