Vetëm pak kohë pasi iu ndalua hyrja në Shtetet e Bashkuara për Botërorin 2026, arbitri somalez Omar Artan ka marrë një mbështetje të madhe nga shtëpia e futbollit europian.

UEFA ka njoftuar zyrtarisht se Artan do të jetë arbitri kryesor në ndeshjen tejet të rëndësishme të Superkupës që do të zhvillohet në Salzburg, ndërmjet Paris Saint-Germain dhe Aston Villa-s.

Ky vendim vjen si një sinjal i fortë solidariteti dhe vlerësimi për profesionalizmin e gjyqtarit afrikan, duke i ofruar atij skenën më të madhe europiane në një moment kritik të karrierës.

Infantino: "Nuk mund t'i kontrollojmë qeveritë"

Përderisa UEFA po i beson një prej ndeshjeve më të rëndësishme, Presidenti i FIFA-s, Gianni Infantino, ka komentuar bllokimin e tij nga autoritetet amerikane.

Infantino u shpreh se institucioni që ai drejton nuk ka fuqi mbi vendimet e shteteve sovrane.

Nga Miami në Salzburg

Edhe pse u privua nga mundësia për të ndarë drejtësinë në ndeshjet e Kupës së Botës në Amerikë për shkak të procedurave të vizave, arbitri somalez do të rikthehet menjëherë në fushë, kësaj radhe nën stemën e UEFA-s, për të drejtuar përballjen e yjeve të Champions League në Austri.

KosovaPress