Presidenti i SHBA-së, Donald Trump, ka thënë se LeBron James "ndoshta është racist" kur u pyet nëse ylli i basketbollit është më i miri i të gjitha kohërave.

James, 41 vjeç, njoftoi të premten se do të vazhdojë karrierën te Philadelphia 76ers.

I pyetur për lëvizjen në një konferencë në Shtëpinë e Bardhë, Trump shpjegoi pse e konsideron Michael Jordanin më të mirë.

"Michael Jordan është mik i imi. Luaj golf me të. Është djalë shumë i mirë. Mendoj se LeBron, ndoshta ai është racist, por ndoshta nuk e pëlqen Trumpin. Nuk e di. Mua më pëlqejnë vetëm njerëzit që më pëlqejnë, kështu që do të thosha Michael Jordan deri në fund", tha Trump.

James, i cili nuk i është përgjigjur komentit, ka qenë kritik i rregullt i Trumpit dhe ka mbështetur kandidatët demokratë Hillary Clinton, Joe Biden dhe Kamala Harris.

Në vitin 2017 ai e quajti Trumpin "bum" pas një debati për ftesat në Shtëpinë e Bardhë për ekipet fituese të NBA-së.

Jordan, 63 vjeç, ka fituar gjashtë tituj NBA me Chicago Bulls në vitet '90 dhe është shpallur pesë herë MVP.

James ka katër tituj me Miami Heat (dy herë), Cleveland Cavaliers dhe Los Angeles Lakers, katër herë MVP dhe është lideri i të gjitha kohërave i NBA-së për pikë dhe ndeshje të luajtura.

Ai do të kërkojë titullin e pestë me 76ers, ku do të luajë krahas Joel Embiid, Tyrese Maxey dhe Jaylen Brown.

KosovaPress