Burime të shumta konfirmojnë se Pierre Kalulu ka pranuar transferimin te Juventusi dhe do të kalojë testet mjekësore të martën, në formë huazimi me opsion blerjeje nga Milani për një total prej 20 milionë euro.

Tashmë kishte sugjerime se mbrojtësi ishte i prirur drejt një marrëveshjeje, pasi kishte kuptuar se nuk do të kishte shumë hapësirë tek rossonerët, përcjellë KosovaPress.

Kalulu ishte larguar efektivisht nga skuadra e Milanit, pasi ai nuk ishte pjesë e planeve të trajnerit Paulo Fonseca. Francezi mbushi 24 vjeç në qershor dhe filloi në akademinë e të rinjve të Lyonit si mbrojtës i djathtë, por u shndërrua në një qendërmbrojtës efektiv.