Pak çaste para fillimit të ndeshjes kundër Francës, trajneri i Portugalisë, Roberto Martinez ka zbuluar se çka pret nga kombëtarja e tij.

Portugalia dhe Franca do të përballen me fillim nga ora 21:00, në “luftën” për ta siguruar biletën e gjysmëfinales së Euro 2024, raporton KosovaPress.

“Ne duam të luajmë një lojë të mirë në këtë çerekfinale dhe të jemi versioni më i mirë i asaj që mund të jemi. Ne mund të përmirësojmë atë që kemi bërë, por duhet të vazhdojmë gjërat e mira që kemi bërë. Psikologjikisht është një lojë shumë kërkuese dhe përvoja ju tregon se si duhet ta bëjmë atë – në çdo moment, në çdo fazë të lojës, në ato momente të vështira që do të ndodhin. Ne kemi shumë lojtarë me përvojë, si dhe të rinjtë që nevojiten, dhe mendoj se kemi përzierjen perfekte”, tha Martinez.

“Pres lojë me zemër. Të gjitha vlerat që dëshironi të shihni në një ekip fitues. Ne mund ta garantojmë këtë në masë të madhe”, tha më tej Martinez.