"Superheronjtë" sjellin buzëqeshje tek fëmijët e shtrirë në Pediatri
Lexohet për: 2 min.
1 vit më parë
Linku u kopjua
Fëmijët që po trajtohen në Klinikën e Pediatrisë të Qendrës Klinike Universitare të Kosovës (QKUK) janë suprizuar me disa dhurata nga alpinistët e Klubit “Alpin Prishtina”.
KAP së bashku me “Care for Kosovo Kids” organizuan ngjarjen “Superheronjtë”, ku alpinistët u lëshuan me litarë nëpër ballkonet dhe dritaret e Pediatrisë duke shpërndarë dhurata për pacientët.
Aktivitet ky që po organizohet tash e katër vite ka për qëllim rritjen e fondeve për shërimin e fëmijëve që janë diagnostikuar me kancer.
Menaxherja për aktivitete në “Care for Kosovo Kids”, Mrika Karaçi tha se ky aktivitet ka për qëllim ngritjen e fondeve dhe vetëdijesimit për fëmijët me kancer që gjenden në Klinikën e Hematoonkologjisë Pedriatike në QKUK.
Ndërkaq, drejtori ekzekutiv i Bankës Ekonomikë të Kosovës, Shpend Luzha tha se buzëqeshja e fëmijëve është shtyrje dhe motiv për të mbështetur aktivitete të tilla.
Ai shtoi se me kënaqësi kanë dhënë donacionin dhe dhuratat për këtë klinikë.
Ndërsa, drejtori i ShSKUK-së, Elvir Azizi tha se është rritur lista esenciale për trajtimin e fëmijëve.
Lidhur me organizimin, Azizi tha se janë të mirëseardhura, meqë sipas tij përveç trajtimit shëndetësor, fëmijët kanë nevojë edhe për trajtim shpirtëror.
