Tre persona janë arrestuar gjatë 24 orëve të fundit për shkak të sulmit, kanosjes, fyerjes e pengimit në detyrë të zyrtarëve policor.

Sipas Policisë, një vajzë është arrestuar dje në Ferizaj, pasi e njëjta kishte sulmuar fizikisht, si dhe ofenduar një zyrtare policore ,e cila ishte duke u marrë me një rast.

Viktimës i është ofruar tretmani mjekësor. Me vendim të prokurorit e dyshuara është liruar, rasti vazhdon në procedurë të rregullt.

Kurse, një Gjakovë, është arrestuar i dyshuari mashkull kosovar, pasi që pasi është ndaluar nga policia në lidhje me një kundërvajtje në trafik, fillimisht ka refuzuar të gjitha urdhëratë e zyrtarit policor e më pas ka ofenduar dhe kanosur zyrtarin policor.

Në lidhje me rastin është konsultuar prokurori i shtetit me vendim të së cilit i dyshuari është dërguar në mbajtje.

Po në Gjakovë, mbrëmë është arrestuar një person, i cili më 18 shtator, kishte penguar policët në kryerje të detyrës. Me vendim të prokurorit i dyshuari është dërguar në mbajtje.