Një çelës për të parandaluar humbjen e kujtesës në pleqëri mund të jetë probiotikët.

Suplementet probiotike tashmë dihet se ndihmojnë në shëndetin e zorrëve dhe gjendjet si sindroma e zorrës së irrituar (IBS) dhe problemet gastrointestinale duke ndihmuar në ribalancimin e baktereve të mira në zorrë.

“Por, probiotikët gjithashtu mund të pengojnë demencën ndërsa plakeni”, tha Jessica Eastwood, një studiuese e psikologjisë ushqimore pranë Universitetit  Reading në Angli.

​Katër simptoma delikate të demencës që mund t’i dallojmë gjatë ecjes - KosovaPress

Saktësisht se si funksionon kjo nuk është kuptuar plotësisht nga studiuesit, por mendohet se truri dhe zorrët janë të lidhura ngushtë me njëra-tjetrën, që do të thotë nëse shëndeti juaj i zorrëve përmirësohet, do të përmirësohet edhe shëndeti i trurit tuaj.

Më shumë se gjashtë milionë amerikanë janë diagnostikuar me sëmundjen e Alzheimerit, forma më e zakonshme e demencës. Gjendja është shkaku i gjashtë kryesor i vdekjeve në SHBA.

Probiotikët konsiderohen 'baktere të mira' në sistemin tretës dhe mund të ndihmojnë në luftimin e baktereve të dëmshme që mund të çojnë në sëmundje.

Ata mund të gjenden në ushqime si kos, gjizë, dhallë, sojë, lakër turshi etj. Probiotikët janë treguar se lehtësojnë shqetësimet e tretjes, të tilla si diarre, kapsllëk dhe fryrje. Ata gjithashtu mund të ndihmojnë në rritjen e shëndetit imunitar duke balancuar bakteret e mira të zorrëve.

Bakteret e mira ndihmojnë në rritjen e funksionit imunitar, rregullojnë oreksin dhe peshën, përmirësojnë depresionin dhe ulin inflamacionin. Bakteret e këqija janë ato që shkaktojnë infeksione. Probiotikët ndihmojnë në vendosjen e një ekuilibri midis baktereve të mira dhe të këqija.

​Shenjat që tregojnë se trupi juaj po plaket më shpejt se sa duhet - KosovaPress