Stoltenberg: Dhuna në Kosovë i vë në rrezik aspiratat euroatlantike
Lexohet për: 2 min.
1 vit më parë
Linku u kopjua
Shefi i NATO-s, Jens Stoltenberg, ka deklaruar se aleanca veri-atlantike do të shtojë 700 trupa në Kosovë, në kuadër të KFOR-it.
Në një konferencë për media me kryeministrin e Norvegjisë, ai ka thënë se “si Prishtina ashtu edhe Beogradi duhet të ndërmarrin hapa konkretë për të de-përshkallëzuar situatën”.
“Dhuna e zmbraps Kosovën dhe gjithë rajonin dhe i vë në rrezik aspiratat euroatlantike. Si Prishtina ashtu edhe Beogradi duhet të ndërmarrin hapa konkretë për të de-përshkallëzuar situatën. Të përmbahen nga sjelljet e mëtejshme të papërgjegjshme dhe të angazhohen në dialogun e lehtësuar nga BE-ja, i cili është e vetmja rrugë drejt paqes së qëndrueshme”, ka thënë Stoltenberg.
Ai ka deklaruar se sulmet e paprovokuara kundër trupave të KFOR-it në veri të Kosovës janë të papranueshme dhe duhet të ndalen.
"KFOR-i, forcat e NATO-s, do të ndërmarrin të gjitha veprimet e nevojshme për të ruajtur një mjedis të sigurt dhe të qetë për të gjithë qytetarët në Kosovë. Dhe ne do të vazhdojmë të veprojmë në mënyrë të paanshme, në përputhje me mandatin tonë të Kombeve të Bashkuara”, ka thënë ai.
