San Antonio Spurs kanë siguruar një biletë për në Finalen e NBA-së për herë të parë që nga viti 2014, pas një fitoreje të madhe 111-103 kundër Oklahoma City Thunder në Ndeshjen e 7-të të Finaleve të Konferencës së Perëndimit.

Kryetrajneri i Spurs, Mitch Johnson, vlerësoi lart angazhimin kolektiv pas ndeshjes, duke thënë se ky ishte një sforcim i plotë ekipor ku shumë lojtarë morën përgjegjësi dhe shënuan pikë dyshifrore atëherë kur skuadra kishte më së shumti nevojë.

Në këtë sukses historik, një rol jetik dhe absolutisht dominues e pati ylli i skuadrës, Victor Wembanyama, i cili udhëhoqi ekipin drejt këtij triumfi të madh në dritaret më të rëndësishme të lojës. Kjo gjeneratë e re e Spurs, e udhëhequr në parket nga dyshja Wembanyama dhe fundori De’Aaron Fox, po synon të frymëzojë një epokë të re suksesi, ashtu siç bëri dikur dyshja legjendare Tim Duncan dhe Tony Parker nën drejtimin e Gregg Popovich.

Me këtë triumf të madh në Oklahoma City, rrugëtimi i San Antonios vazhdon drejt finales ku i pret përballja e madhe për titullin kampion kundër New York Knicks.

KosovaPress