Gareth Southgate e ka publikuar listën e lojtarëve të grumbulluar për dy ndeshjet e muajit nëntor, ku sërish vërehet mungesa e Raheem Sterling.

Edhe pse Sterling ka qenë një lojtar i rregullt në listën e Anglisë, ai nuk është ftuar në pesë grumbullimet e fundit të kombëtares, pavarësisht se ka treguar ngritje në formën e tij në Premier Ligë këtë sezon, raporton KosovaPress.

Në grumbullimin e Anglisë ka emra të njohur si Bukayo Saka, Jordan Henderson, Trent Alexander-Arnold dhe James Maddison, ndërsa John Stones dhe Eddie Nketiah mungojnë si pasojë e lëndimeve.

Një tjetër emër i njohur nga Chelsea që mungon është Reece James, edhe pse së fundmi ai u rikthye nga një lëndim që e mbajti jashtë fushave për një kohë të konsiderueshme.

Anglia po përgatitet të luajë me Maltën më 17 nëntor dhe Maqedoninë e Veriut më 20 nëntor, ndeshje këto të vlefshme për kualifikimet në Euro 2024.  

Listën e lojtarëve të ftuar nga Southgate e gjeni më poshtë.