Ministri për Evropën dhe Punët e Jashtme, Igli Hasani, përmes një postimi në Facebook ka njoftuar se marrëveshja mes Shqipërisë dhe Bankës Evropiane të Investimeve është një hap i rëndësishëm që ndikon në zhvillimin e shpejtë ekonomik të vendit tonë dhe rrugën e saj drejt integrimit në BE.

Ministri Hasani ka shprehur mirënjohjen ndaj kontributit të vazhduesëm të Bankës Evropiane të Investimeve e cila ka mbështetur Shqipërinë që në fillim.

“Marrëveshja e Vendit Pritës e nënshkruar sot mes Shqipërisë dhe Bankës Evropiane të Investimeve (BEI) është një hap i rëndësishëm që ndikon në zhvillimin e shpejtë ekonomik të Shqipërisë dhe rrugën e saj drejt integrimit në BE! Mirënjohës ndaj kontributit të vazhdueshëm të BEI, e cila ka mbështetur Shqipërinë që nga fillimi! Financimi në rritje dhe ekspertiza do të ndihmojnë në zbatimin e Planit Ekonomik dhe të Investimeve të BE-së, si dhe Planit të Rritjes për Ballkanin Perëndimor! Tirana, e vendosur të rritet si një qendër ekonomike rajonale”, shkroi Hasani në rrjetet sociale.