Shpërthen vullkani në Islandë, shpallet gjendje e jashtëzakonshme
Policia në Islandë ka shpallur gjendjen e jashtëzakonshme pas shpërthimit të një vullkani, duke detyruar njerëzit të evakuojnë shtëpitë.
Shpërthimi në gadishullin Reykjanes, në Islandën jugperëndimore, është shpërthimi i gjashtë që nga dhjetori.
Zyra meteorologjike e Islandës regjistroi rritje të aktivitetit sizmik dhe tërmeteve në kodrën vullkanike, Sundhnukar, disa ditë para shpërthimit të vullkanit.
Një çarje e madhe është hapur aty pranë, në kraterin Sundhnukagígar në veri të Grindavik, me lavë që rrjedh si në lindje ashtu edhe në perëndim.
Një vlerësim nga Zyra Meteorologjike e vendit sugjeron se "rrjedha e lavës ka udhëtuar rreth 1 km në 10 minuta".
Ekspertët thanë gjithashtu se gjatësia totale e çarjes ishte rreth 2.42 milje (3.9 km) dhe ishte zgjatur me 1 milje (1.5 km) në rreth 40 minuta.
Studimet e fundit treguan se magma po grumbullohej nën tokë, duke nxitur paralajmërime për aktivitet të ri vullkanik në zonën në jug të kryeqytetit të Islandës, Reykjavik./SkyNews
