Klubi spanjoll, Sevilla, ka njoftuar këtë të hënë ndërprerjen e bashkëpunimit me trajnerin argjentinas, Matias Almeyda. Vendimi vjen pas rezultateve të dobëta që e kanë lënë skuadrën vetëm tri pikë mbi zonën e rrezikut për rënie nga LaLiga.

Humbja e fundit 2-0 në shtëpi kundër Valencias ishte shanca e fundit për bordin e klubit. Sevilla aktualisht ndodhet në vendin e 15-të me 31 pikë, duke regjistruar vetëm një fitore në tetë ndeshjet e fundit kampionale.

52-vjeçari Almeyda, i cili iu bashkua andaluzianëve në Qershor, po vuan gjithashtu një pezullim prej shtatë ndeshjeve për shkak të një konfrontimi me zyrtarët e ndeshjes, fakt ky që vështirësoi edhe më shumë menaxhimin e krizës nga stoli.