Kuvendi i Shqipërisë zhvillon sot seancën plenare të radhës, ku pritet të miratohen disa pr/ligje.

Si pikë e parë e rendit të ditës është një interpelancë me ministren e Turizmit dhe Mjedisit Mirela Kumbaro e kërkuar nga deputetja e PD, Ina Zhupa.

Më pas Kuvendi do të shqyrtoje projektligjin  “Për disa shtesa dhe ndryshime në ligjin “Për arkivat””, projektligjin “Për disa ndryshime në Ligjin “Për koncesionet dhe partneritetin publik privat”, të ndryshuar, projektligjin “Për burimet ujore”, projektligjin “Për disa ndryshime në Ligjin“Për investimet strategjike në Republikën e Shqipërisë”, të ndryshuar si dhe projektligjin “Për disa ndryshime në ligjin “Për arsimin dhe formimin professional në Republikën e Shqipërisë”.

Kuvendi pritet  të votojë edhe projektvendimin “Për zgjedhjen Komisioner në Seksionin për Policinë, Shërbimin Sekret, Burgjet, Forcat e Armatosura dhe Pushtetin Gjyqësor në institucionin e Avokatit të Popullit”, projektvendimin  “Për zgjedhjen Komisioner në Seksionin për Organet e Administratës Qendrore, të Pushtetit Vendor dhe të të Tretëve që Veprojnë për Llogari të Tyre në institucionin e Avokatit të Popullit” si dhe projektvendimin “Për propozimin e një anëtari të Komisionit të Prokurimit Publik”./ATSh/