Evropa hyri në vitin 2023 me atë që meteorologët e përshkrujnë si valën më intensive “të ngrohjes” të dimrit në histori. Dita e Vitit të Ri 2023 në shumë vende të Europës Qendrore ishte mot me rekorde temperaturash të larta në të gjithë kontinentin.

Ndërsa shumë njerëz mund të kenë shijuar ditët e ngrohta me diell, ekspertët e ndryshimeve klimatike i kanë rënë këmbanave të alarmit. Në një imazh të marrë më 1 janar, sateliti i Evropës Sentinel-2 kapi qytetin Altdorf në Alpet Zvicerane ku temperaturat në këtë pjesë të vitit zakonisht janë ndërmjet minus 2 dhe plus 4 gradë Celsius.

Sipas The Conversation 6.2% e masës së akullnajave malore në Alpet zvicerane u shkrinë në verë. Tani sezoni i dimrit, i cili zakonisht u jep një pamje mahnitëse, po dëshmon shkatërrimin e tyre. Më parë, shkencëtarët do të konsideronin një humbje vjetore prej 2% të akullit si të rëndë. 

Sipas Reuters, Alpet po ngrohen me 0,3 gradë C në dekadë, që është rreth dy herë më shpejt se mesatarja globale. Skenarët e bazuar në parashikimet aktuale të emetimeve të gazeve parashikojnë që deri në 80% të akullnajave alpine mund të zhduken deri në fund të këtij shekulli.