Kylian Mbappe nënshkroi një marrëveshje pesëvjeçare për t'u transferuar në Real Madrid nga Paris Saint-Germain të hënën dhe e quajti këtë si një "ëndërr të realizuar", pavarësisht se do të paguhet më pak. Njoftimi zyrtar shënon kulmin e një miqësisë së gjatë të Realit me një prej sulmuesve më të mirë në botë.

“Real Madrid ka arritur një marrëveshje që lojtari të jetë në klub për pesë sezonet e ardhshme”, thuhej në njoftimin zyrtar të Realit, ndërsa vet sulmuesi francez tha se kjo lëvizje është një emocion i papërshkrueshëm.

"Shumë i lumtur dhe krenar që i bashkohem klubit të ëndrrave të mia. Askush nuk mund ta kuptojë se sa i emocionuar jam tani. Mezi pres të ju shoh madridistë dhe faleminderit për mbështetjen tuaj të pabesueshme," tha 25-vjeçari.

Ai do të fitojë 35 milionë euro në sezon, sipas raportimeve në Spanjë. Kontrata e fundit e Mbappe me PSG-në, e nënshkruar në vitin 2022, ishte një marrëveshje dyvjeçare me vlerë rreth 72 milionë euro por edhe bonuse të tjera, përcjellë KosovaPress.

Mbappe kishte pranuar verbalisht të transferohej te Reali në shkurt dhe më pas njoftoi në maj se do të largohej nga PSG në fund të sezonit.