Rregulla e re në futboll, VAR-i përmes mikrofonit
IFAB, organi i FIFA-s që vendos për rregullat e futbollit dhe voton ndryshimet në to, ka pranuar që në të ardhmen gjyqtarët t'ia komunikojnë menjëherë të gjithë stadiumit dhe teleshikuesve vendimet që marrin duke përdorur VAR-in përmes mikrofonit.
Diçka e ngjashme përdoret në ragbi dhe futbollin amerikan dhe po shqyrtohet opsioni që vetëm kapitenët të lejohen të flasin me arbitrin. Sipas vendimit të IFAB-it, kjo do të provohet fillimisht në nivelin e tretë të futbollit anglez – League One dhe kategori më të ulëta se ajo.
Gjithashtu do të testohet rregulli që lejon portierin të mbajë topin në duar për tetë sekonda, në vend të gjashtë sekondave të mëparshëm. Opsioni i kartonit të kaltër deri më tani është refuzuar dhe nuk do të pranohet.
Praktika e komunikimit të vendimeve të VAR-it me mikrofon është provuar tashmë në Kupën e Botës për Klube dhe do të jetë e pranishme edhe në Lojërat Olimpike. Përveç kësaj, në të ardhmen, lojtarët nuk do të marrin kartonë për lojë aksidentale me dorë, dhe një zëvendësim shtesë është duke u futur në rast të lëndimeve në kokë, por liga do të mund të vendosë për këtë në mënyrë të pavarur.
