Të paktën pesë persona u vdiqën dhe mijëra u evakuuan kur shirat rekord goditën të mërkurën rajonet jugore të Koresë së Jugut.

Reshjet e rrëmbyeshme gjithashtu ndërprenë shërbimet e trenave dhe fluturimeve në zonat e prekura, raportoi Yonhap News me bazë në Seul, duke cituar autoritetet lokale.

Në qytetin Gunsan, i vendosur rreth 178 kilometra (110 milje) në jug të Seulit, ranë 131,7 milimetra (5,19 inç) shi brenda një periudhe prej një ore deri në orën 02:42 të mëngjesit sipas orës lokale (17:00 GMT të martën), duke shënuar reshjet më të dendura për orë të regjistruara në mbarë vendin.

Reshjet për orë përbëjnë mbi 10% të reshjeve mesatare vjetore të qytetit prej 1246 mm (49 inç).

"Ishte një nivel i ashpërsisë i parë një herë në rreth 200 vjet", tha një zyrtar i agjencisë së motit.

Një rrebesh masiv goditi gjithashtu pjesë të provincës Jugore Chungcheong, duke regjistruar 111.5 mm (4.4 inç) rrebesh në orë në një pikë herët në mëngjes.

Në Wanju në provincën Jeolla Veriore, ekipet e shpëtimit evakuuan 18 fshatarë të cilët ishin bllokuar për shkak të një përroi të fryrë, me disa që prisnin në çati për ndihmë.

Përveç pesë viktimave, rreth 391 incidente të rrugëve të përmbytura, shembjes së dheut për shkak të rrëshqitjeve, gjithashtu edhe urav të zhytura në ujë janë raportuar në mbarë vendin.

Gjithsej 3,568 njerëz u evakuuan në vende të sigurta nga zonat e goditura nga shiu./AA/