Rashkaj: Gliha nuk bëri punë të keqe, unë jam gati të kontribuojë për kombëtaren
Lexohet për: 1 min.
11 muaj më parë
Linku u kopjua
Ish-futbollisti i Kombëtares së Kosovës, Anel Rashkaj nuk e ka hedhur poshtë punën e bërë nga trajneri Primoz Gliha në Kombëtaren e Kosovës.
Ai vlerëson se slloveni ishte një trajner i guximshëm dhe se rezultatet e arritura ishin të favorshme për atë.
Ish-kapiteni i Dardanëve, në një intervistë për KosovaPress, ka folur edhe për mosardhjen e disa lojtarëve për ndeshjen me Izraelin, duke thënë se kjo ishte një situatë e kuptueshme.
Sipas Rashkajt, trajneri i ri i Kosovës duhet të përzgjidhet pas një analize të thellë, derisa e sheh Ilir Dajën si një alternativë serioze për ta pasuar Glihan.
Ai ka shprehur gatishmërinë e tij që të jap kontribut në zhvillimin e kombëtares, nëse Federata e Futbollit e sheh të nevojshme një gjë të tillë.
Anel Rashkaj ishte pjesë e Kombëtares së Kosovës gjatë viteve 2014-2020, ku pati 14 paraqitje, ndërsa në fillim të këtij viti i dha fund karrierës së tij si futbollist.