Milani raportohet se  është duke pritur për një takim mes agjentit të Marcus Rashford dhe Manchester United sot, pasi kuqezinjtë po përpiqen të nënshkruajnë me sulmuesin anglez. Drejtorët e Milanit dhe këshilltari i RedBird Ibrahimovic janë duke pritur për një takim sot mes agjentit të Rashford dhe vëllait dhe drejtorëve të Manchester United.

“Sky Sport Italia” dhe “SportMediaset” raportojnë se përfaqësuesit e sulmuesit do të takohen me “Djajtë e Kuq” sot për të diskutuar përditësimet më të fundit të transferimeve.

Milani është i bindur se Rashford do ta informojë klubin e tij se dëshiron të transferohet në San Siro këtë muaj, përcjellë KosovaPress.

Në të njëjtën kohë, megjithatë, gjigantët e Serisë A janë të vetëdijshëm se konkurrenca për 27-vjeçarin është e ashpër, me Barcelonën dhe Borussia Dortmundin mes klubeve në bisedime me agjentin e Rashfordit në javët e fundit.

Milani është i hapur për të nënshkruar me Rashford si huazim, por duhet që Manchester United të paguajë një pjesë të pagës së tij për pjesën e dytë të sezonit.

Rashford nuk është pjesë e planeve të Manchester United derisa ka shënuar shtatë gola dhe ka dhënë tre asistime në 24 paraqitje këtë sezon.