Deputeti i Lidhjes Demokratike të Kosovës, Anton Quni deklaroi se Ministria e Mbrojtjes nuk ka arritur të planifikojë përfundimin e kontratës së furnizimit me ushqim në mënyrë të duhur. Sipas tij, kjo ministri me kontraktorin e mëparshëm kishte lidhur kontratë urgjente mbi tri herë, ani pse Kosova nuk ka shpallur gjendje emergjente kombëtare. Në seancë të jashtëzakonshme ku po diskutohet për çështjen e ushqimit për FSK-në, Quni deklaroi se mungesa e transparencës në procesin e tenderimit dhe kontraktimi i kompanive të pa kualifikuara janë dështim flagrant e cenim i sigurisë kombëtare.

Deputeti i Lidhjes Demokratike të Kosovës, Anton Quni deklaroi se Ministria e Mbrojtjes pa planifikim adekuat dhe pa ndjekur procedurat adekuate ka vendosur të aplikojë një procedurë të ngjashme ekstreme emergjente.

Në emër të Lidhjes Demokratike të Kosovës, deputeti Anton Quni deklaroi se Ligji i Prokurimit Publik përcakton se prokurimet e klasifikuara lejohen vetëm në raste të jashtëzakonshme ku kërkohet siguri kombëtare ose në rastet e emergjencave ekstreme.

Sipas praktikave të vendeve anëtare të NATO-s, siç shtoi Çuni, procedurat e prokurimit e ushqimit për ushtrinë janë të hapura për publikun për të garantuar transparencë e konkurrencë.

Ai i ka bërë thirrje qeverisë dhe Ministrisë së Mbrojtjes që të evitojë këtë qasje jo-transparente, meqë konsideroi se përfshin pasoja strategjike lidhur me aftësinë për të përmbushur detyrimet ndërkombëtare dhe për të mbrojtur sigurinë kombëtare.

Lajmi i plotë në sistemin me parapagim...