Avokati i Popullit, Naim Qelaj, ka paralajmëruar dërgimin e Ligjit për zgjedhje në Gjykatën Kushtetuese. Ai tha se dërgimi i këtij ligji për vlerësim të kushtetutshmërisë është i domosdoshëm, pasi nuk është përfshirë Ligji për barazinë gjinore, në raport me listat zgjedhore të subjekteve politike.

Qelaj në konferencën e fund vitit, adresoi si shqetësim rënien e zbatimit të rekomandimeve të Avokatit të Popullit.

Avokati i Popullit bëri të ditur se gjatë vitit 2023, kanë pranuar mbi 1500 ankesa nga qytetarët dhe institucionet e ndryshme.

Duke folur për trajtimin e ish-udhëheqësve të UÇK-së në Hagë, Qelaj tha se të njëjtëve iu janë shkelur të drejtat sa i përket kufizimit të vizitave të familjarëve.

Ai bëri të ditur edhe mungesën e komunikimin me homologun e tij në Dhomat e Specializuara në Hagë.

Krahas kësaj, Qelaj tha gjatë vitit 2023, kanë dërguar pesë raste në Gjykatën Kushtetuese, derisa tha se kanë hetuar 47 tekste mësimore për të evituar përmbajtjen e gjuhës së urrejtjes./KosovaPress/