Një ish-spiun izraelit shihet si pasardhësi i kryeministrit Benjamin Netanyahu, sipas një sondazhi të fundit të kryer nga Instituti i Kërkimeve Lazar i shtetit hebre.

Publiku izraelit e sheh ish-shefin e Mossad-it, Yossi Cohen, si pasuesin e Netanyahut, tha instituti në raportin e tij të publikuar pas sondazhit të kryer në Izrael.

Në një sondazh të kryer me 500 hebrenj dhe arabë izraelitë, "21% e pjesëmarrësve preferojnë që ish-shefi i Mossad, Cohen të pasojë Netanyahun si liderin e Partisë Likud dhe udhëheqësin e koalicionit qeverisës".

“13% e të anketuarve e shohin ish-ministrin e Drejtësisë Gideon Sa'ar si pasardhësin e duhur të Netanyahut. Ndërsa 12% zgjodhën ministrin e Mbrojtjes Yoav Gallant si një kandidat më të mirë për të pasuar kryeministrin Netanyahu”, tha instituti.

Trupat izraelite gjejnë ‘tunelet e Hamasit’ së bashku me trupat e dy pengjeve - KosovaPress

Ai shtoi se "11% e shohin Ministrin e Ekonomisë Nir Barkat si një pasardhës të mundshëm për udhëheqjen e Likud".

Për më tepër, 23% e pjesëmarrësve në anketë deklaruan se nuk preferonin asnjë nga emrat e përmendur në anketë, ndërsa 20% abstenuan nga shprehja e ndonjë mendimi.

Sipas rezultateve të sondazhit të bërë për votuesit e Likud, Cohen dhe Barkat janë cilësuar të përshtatshëm për lidershipin e partisë me 26%, Gallant me 17%, dhe Sa'ar me 5%.

Ndërsa 15% e pjesëmarrësve në sondazh nuk preferuan asnjë nga emrat e përmendur, 11% abstenuan.

Sipas një sondazhi tjetër të publikuar nga gazeta Maariv, vetëm 29% e izraelitëve besojnë se Netanyahu është i përshtatshëm për të udhëhequr qeverinë.

Nga ana tjetër, 50% e konsiderojnë të përshtatshëm për këtë pozicion ish-ministrin izraelit të Mbrojtjes Benny Gantz. Njëzet e një për qind nuk shprehën asnjë mendim për këtë çështje.

Ministri izraelit pretendon se kanë marrë nën kontroll qytetin perëndimor të Gazës - KosovaPress

Rezultatet e sondazhit tregojnë se mbështetja për Likud në publikun izraelit është ulur, ndërsa mbështetja për bllokun opozitar të Unitetit Kombëtar të udhëhequr nga Gantz është rritur.

Sipas sondazhit, nëse zgjedhjet do të mbaheshin në të ardhmen e afërt, Blloku i Unitetit Kombëtar do të fitonte 42 vende, ndërsa Likud, i cili aktualisht ka 120 vende në parlamentin izraelit, do të fitonte 17 vende.

Partia e liderit të opozitës Yair Lapid Yesh Atid mund të marrë 14 vende në parlament, partia e krahut të djathtë të opozitës Yisrael Beiteinu e udhëhequr nga Avigdor Liberman mund të marrë tetë vende, Partia Ultra-ortodokse hebreje Shas mund të fitojë gjithashtu tetë vende dhe Partia e Judaizmit Tora e Bashkuar mund të marrë shtatë vende.

Partia e ekstremit të djathtë Otzma Yehudit e udhëhequr nga Ministri i Sigurisë Kombëtare Itamar Ben-Gvir, së bashku me Partinë Ra'am, Partinë Hadash dhe Partinë e Listës së Bashkuar Arabe mund të marrin nga pesë vende secila.

Ndërkohë, partia sioniste fetare e ekstremit të djathtë, e udhëhequr nga Ministri i Financave Bezalel Smotrich, dhe Partia e majtë Meretz mund të fitojnë nga katër vende secila. /AA

Presidenti izraelit: Nuk mund të ketë vakum pushteti të pasluftës në Gaza - KosovaPress