Sonte me fillim nga ora 21:00 stadiumi “Parc des Princes” do të jetë nikoqir i ndeshjes mes Paris Saint-Germain dhe Real Sociedadit, e vlefshme kjo për përballjen e parë në kuadër të fazës së 1/16-ës së Ligës së Kampionëve.

PSG fitoi në vikend me përmbysje 3:1 kundër Lille, kurse Real Sociedadi u befasua nga Osasuna, pasi u mposht 1:0 në La Liga, raporton KosovaPress.

Në gjashtë ndeshjet e fundit të zhvilluara në Ligën e Kampionëve, formë më të mirë ka Real Sociedadi me tri fitore dhe tri barazime, krahas PSG që ka dy fitore, dy humbje dhe dy barazime.

Sa i përket ndeshjes së sotme, të dy skuadrat do të kenë probleme me mungesa të lojtarëve, ku për PSG nuk do të paraqiten Presnel Kimpembe, Milan Skriniar, Sergio Rico, Nuno Mendes dhe Laywin Kurzawa, kurse te Real Sociedadi do të mungojnë Sheraldo Becker, Kieran Tierney, Alvaro Odriozola, Carlos Fernandez, Aihen Muno dhe Mikel Oyarzabal.

Formacionet e mundshme i gjeni më poshtë.

Paris Saint-Germain (4-2-3-1): Donnarumma; Hakimi, Danilo, Marquinhos, Hernandez; Ugarte, Zaire-Emery; Dembele, Asensio, Kolo Muani; Mbappe

Real Sociedad (4-3-3): Remiro; Traore, Zubeldia, Le Normand, Galan; Merino, Zubimendi, Mendez; Kubo, Sadiq, Barrenetxea