Përveç skuadrës së Dritës së Gjilanit që mori një fitore në ndeshjen e parë të Ligës së Konferencës kundër Breidablikut, të gjitha skuadrat tjera kosovare dështuan në garat evropiane.

Ballkani u eliminua nga Liga e Kampionëve, Llapi nga Liga e Evropës ndërsa Malisheva nga Liga e Konferencës.

Një ecuri të tillë analistët po e konsiderojnë si dështim total. Analisti Alban Lumi për KosovaPress konsideron se paraqitja kaq e dobët e skuadrave kosovare në Evropë shpërfaq nevojën urgjente për të sjellë ekspertë të futbollit, por edhe trajnerë me përvojë nëpër klube.

Ndërsa komentuesi i sportit, Arbër Loxha, thotë për KosovaPress se pritjet nga skuadrat kosovare ishim dukshëm më të larta se kapaciteti i tyre real.

Trajneri i futbollit, Robert Gjeraj konsideron se ky dështim erdhi për shkak të ndryshimeve të mëdha që kanë bërë skuadrat në organizimin e tyre.

Gjithsesi, përfaqësimi i Kosovës në garat evropiane po vazhdon vetëm në Ligën e Konferencës, si kategoria më e ulët e një gare evropiane. Aty po marrin pjesë Ballkani, Drita dhe Llapi.

Lajmi i plotë në sistemin me parapagim...