Kuvendi i Shqipërisë ka rrëzuar me 82 vota kërkesën e Prokurorisë së Posaçme kundër Korrupsionit dhe Krimit të Organizuar për dhënien e autorizimit për arrestimin e ish-zëvendëskryeministres Belinda Balluku.

Mazhoranca socialiste argumentoi në raportin e saj se pas largimit nga posti qeveritar, nuk qëndrojnë më pretendimet e SPAK-ut për masën e arrestit ndaj Ballukut, shkruan KosovaPress.

Gjatë procesit të votimit u vu re mungesa e disa deputetëve të shumicës, përfshirë Elisa Spiropali dhe Fatmir Xhafaj, si dhe ministrit Blendi Gonxhe.

Raporti i mazhorancës në Këshillin e Mandateve dhe Imuniteteve u paraqit nga deputeti socialist Ulsi Manja, i cili theksoi se socialistët janë kundër kërkesës së SPAK për dhënien e autorizimit për arrestimin e Ballukut.

Ndërkohë, gjatë zhvillimit të seancës plenare, jashtë ambienteve të Kuvendit të Shqipërisë në Tiranë u mbajt protestë e thirrur Partia Demokratike e Shqipërisë. Ndërkohë që protestuesit ndodhen ende aty.

Ajo që ra në sy gjatë seancës së të enjtes, ishte prania e një gardisti në rreshtin ku qëndronte kreu i grupit parlamentar të Partisë Socialiste, Taulant Balla.

Balluku akuzohet nga Prokuroria e Posaçme për abuzime me miliona euro me tenderat në disa projekte infrastrukturore në Shqipëri.