Problemet në shpërndarjen e teksteve shkollore në Prizren i raporton Veselaj Gutaj
Lexohet për: 2 min.
6 muaj më parë
Linku u kopjua
Drejtoria e Arsimit në Komunën e Prizrenit nuk ka bërë shpërndarjen me teksteve shkollore dhe mjeteve mësimore pwr vitin 2023-2024.
Kështu ka deklaruar drejtoresha e Arsimit në këtë komunë, Luljeta Veselaj Gutaj gjatë raportimit në Komisionin Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit Fillor dhe Arsimit të Mesëm të Ulët për vitin shkollor 2023/2024.
Ajo ka bërë me dije se ka pasur fëmijë që komuniteti shkollor ia ka gjetur librat.
Kryetari i këtij komisioni Shemsedin Dreshaj ka pyetur drejtoreshën Veselaj Gutaj se cilat janë problemet që ka hasur kjo drejtori lidhur me shpërndarjen e teksteve shkollore.
Gutaj, është përgjigjur se arsyeja që kjo drejtori nuk ka bërë shpërndarjen e teksteve është sepse nuk kanë qenë të informuar.
Informatën për subvencionim kjo komunë e ka marrë pas një deklarate të MAShT në media.
Gjithashtu, ajo ka shtuar se prindërit nga buxheti i tyre kanë blerë librat dhe këtë e dëshmon me deklarata të prindërve.
Ndërkaq, mbledhja është ndërprerë pasi që nuk ka pasur kuorum.
