Princi William me mesazh për Anglinë përpara finales së Euro 2024 kundër Spanjës
Princi William u ka kërkuar lojtarëve të Gareth Southgate që të dalin në fushë dhe t'i tregojnë botës se kush janë ndërsa Anglia shkon në Berlin për finalen e Euros kundër Spanjës.
Në një postim në “X”, Princi i Uellsit tha se është 'shumë krenar' për Anglinë përpara ndeshjes finale, raporton KosovaPress.
Në postimin të shkruar nga vetë princi dhe të nënshkruar në 'W', ai tha:
"Ne jemi shumë krenarë për ju të gjithë Angli, vetëm një shtytje e fundit për të përfunduar punën! Dil atje dhe tregoji botës se nga çka je krijuar. Ne besojmë. W'
Princi William ka treguar mbështetjen e tij gjatë gjithë turneut, duke u paraqitur në disa nga ndeshjet dhe duke brohoritur për ekipin, duke përfshirë fitoren e Anglisë kundër Zvicrës javën e kaluar.
William ka konfirmuar se do të jetë i pranishëm në finalen nesër në Berlin, ndërsa Princesha e Uellsit pritet të prezantojë trofetë në qendër të fushës.
