Mbetjet e ndoshta dinozaurit më të madh të parë ndonjëherë në Evropë janë gjetur në një oborr të një shtëpie në Portugali.

Paleontologët u tronditën kur panë se skeleti ishte praktikisht i paprekur.

Sauropodët ishin më të mëdhenjtë nga të gjithë dinozaurët dhe kafshët më të mëdha tokësore që kanë banuar ndonjëherë në Tokë. Ata kishin një qafë dhe bisht të gjatë, ishin barngrënës dhe ecnin me katër këmbë.

Edhe pse vetë skeleti u gjet më herët, puna e gërmimit filloi kohët e fundit. Paleontologët nga Portugalia dhe Spanja deri më tani kanë zbuluar pjesë të shtyllës kurrizore dhe brinjë të një specieje të njohur si sauropod brachiosaurid. Kjo kafshë ishte 12 metra e lartë dhe 25 metra e gjatë.

Një ekip ndërkombëtar ekspertësh po analizon mbetjet e një dinozauri që u gjet në pozicionin në të cilin ndoshta vdiq.

“Nuk është e zakonshme të gjesh të gjitha brinjët e një kafshe si kjo, e lëre më në këtë pozicion që ka ruajtur pozicionin e saj origjinal anatomik”, tha Elizabeth Malafia, një studiuese pranë Universitetit të Lisbonës.