Një shtetas i huaj është arrestuar në Pikën e Kalimit Kufitar në Vërmicë, pasi dyshohet se ka tentuar t’u japë para policëve kufitarë gjatë kontrollit të dokumenteve.

Sipas Policisë së Kosovës, ngjarja ka ndodhur të shtunën rreth orës 13:00, kur i dyshuari, gjatë prezantimit të dokumenteve në autobus, kishte vendosur një kartëmonedhë prej 5 eurosh brenda dokumenteve.

Me vendim të prokurorit, pas intervistimit, i dyshuari është dërguar në mbajtje, ndërsa rasti do të trajtohet sipas procedurave ligjore.