Futbollisti i kombëtares kroate, Ivan Perishiq, ka postuar një deklaratë në Instagram pas pohimeve të trajnerit të Tottenham, Ange Postecoglou në lidhje me të ardhmen e tij te Spurs.

Nëse mesazhi i Perishiq është një reagim ndaj deklaratës së Postecoglou ose nëse mund ta shohim atë në kontekstin e rikuperimit të tij nga një dëmtim i rëndë i ligamentit, varet nga të gjithë për të gjykuar.

Në fakt, Postecoglou deklaroi se nuk beson që Perishiq të luajë më për Spurs.

Trajneri i Spurs: Nuk besoj se Perishiq do të luajë më për ne - KosovaPress

Pasditen e së premtes, futbollisti kroat ka publikuar një storie në Instagram:

"Për atë zë të palëkundur në kokën time që nuk më lë kurrë të dorëzohem."

Është e qartë, pra, se ndarja zyrtare e Perishiqit me Tottenhamin po afron. E nëse do të ketë “kohë” për t’u kthyer menjëherë te Hajduku i Splitit këtë pranverë, apo pas verës apo diku më vonë, do ta shohim.

Tifozët e Hajdukut dëshirojnë ta shohin sa më herët në stadiumin “Polud”, edhe në ndeshjet e fundit të sezonit aktual, në mes të luftës për titullin kampion kroat.