Përfundon seanca ndaj të dyshuarve në rastin "Rezerva shtetërore", pritet të vendos gjykata
Lexohet për: 2 min.
1 vit më parë
Linku u kopjua
Ka përfunduar seanca dëgjimore në Gjykatë Themelore të Prishtinës ndaj tre të dyshuarve në rastin "Rezerva shtetërore" në Ministrinë e Industrisë, Ndërmarrësisë dhe Tregtisë (MINT).
Për këtë, Prokuroria e shtetit ka kërkuar caktimin e masës së paraburgimit për të dyshuarit, Hafiz Gara, Irfan Lipovica dhe Ridvan Muharremi.
Ndërsa, caktimin e masës së paraburgimit e ka kundërshtuar mbrojtja e tre të dyshuarve, ku kanë propozuar lirimin apo caktimin eventualisht të ndonjë mase tjetër.
Me urdhër të Prokurorisë Speciale të Republikës së Kosovës Policia e Kosovës – Njësia e Veçantë e Hetimeve, ka realizuar të premten bastisje në lokacione të ndryshme në Prishtinë, ku kanë arrestuar tre persona me inicialet Ridvan Muhamrremi, Hafiz Gara dhe Irfan Lipovica.
Prokuroria Speciale njofton opinionin publik se tre personat e arrestuar, dyshohen për veprat ‘’Keqpërdorim i detyrës zyrtare’’, si dhe ‘’Dhënie të ndihmës në kryerjen e veprës penale të Keqpërdorimit të detyrës zyrtare’’.
Ndërkaq, gjatë bastisjes janë siguruar dhe sekuestruar prova materiale të cilat do të përdoren për procedurë të mëtutjeshme hetimore.
Të njëjtit me urdhër të Prokurorit të Shtetit, janë dërguar në mbajtje për 48 orë.
