Përfundon seanca e jashtëzakonshme në Kuvendin e Kosovës
Drejtat Autoriale
Lexohet për: 1 min.
Seanca e jashtëzakonshme e Kuvendit të Kosovës e ftuar nga opozita, është ndërprerë pasi vetë partitë opozitare që e kanë ftuar këtë seancë kanë vendosur ta ndërpresin atë për të mbajtur një konferencë për medie para Radiotelevizionit të Kosovës. Vazhdimi i kësaj seance do të ndodh ditëve në vijim.
Ky aksion erdhi pasi RTK nuk e transmetoi seancën e sotme të Kuvendit të Kosovës.
Deputeti i Partisë Demokratike të Kosovës, Abelard Tahiri tha se është e patolerueshme qasja e RTK-së karshi opozitës.
Seanca e jashtëzakonshme rend dite kishte procesin e përllogaritjes së borxheve të kompanive ambalazhuese të ujit, si dhe mënyrën dhe bazën e shlyerjes së borxheve nga Ministria e Mjedisit, Planifikimit Hapësinor dhe Infrastrukturës.
Edhe në këtë seancë nuk po marrin pjesë deputetët e mazhorancës.
Para se të fillonte seanca deputetët e Partisë Demokratike të Kosovës vendosën kapela të zeza tek ulëset e deputetëve të Lëvizjes Vetëvendosje.