Përfundon samiti i OSBE-së, Osmani: Kompromiset janë të vështira, por hapin rrugë për të ardhme
Lexohet për: 2 min.
1 vit më parë
Linku u kopjua
Kryesuesi aktual i OSBE-së, njëherit Ministri i Jashtëm i Maqedonisë së Veriut, Bujar Osmani, në konferencën përmbyllëse të samitit të OSBE-së në Shkup tha se kompromiset janë të vështira, por ato shërbejnë për të korrigjuar keqkuptimet në mënyrë që të hapen rrugët për të ardhme më të mirë.
Ai shtoi se në organizatë ka mendime të ndryshme dhe se OSBE-ja shërben si platformë për të ndarë të mirën nga e keqja.
I pyetur nga gazetarët se pse Rusia ka mbështetur disa vendime të samitit, Osmani tha se konsensusi është në ADN-në e organizatës dhe se nuk ka asnjë vendim në OSBE që nuk bëhet pa konsensus.
Ndërkaq i pyetur nëse OSBE-ja i ka kërkuar llogari Serbisë për tensionet në veri të Kosovës, përkatësisht agresionin e saj territorial dhe kushtetues në Kosovë, Osmani tha se Marrëveshja e Ohrit është rruga e vetme përpara.
Diplomati maqedon gjithashtu tha se shpreson që Kosova të bëhet anëtare e OSBE-së, por që duhet miratimi i vendeve anëtare.
