Kryetari i Grupit Parlamentar të PDK-së, Abelard Tahiri ka theksuar se anulimi i Ligjit për Byronë Shtetërore për Verifikimin dhe Konfiskimin e Pasurisë së Pajustifikueshme është fitore e shtetit të së drejtës.

Deputeti Tahiri përmes një shkrimi në Facebook thekson se kjo është fitore e sundimit të ligjit dhe e të drejtave të njeriut mbi tendencën për frikësim e shantazh nga pushteti.

“Anulimi i Ligjit për Byronë Shtetërore për Verifikimin dhe Konfiskimin e Pasurisë së Pajustifikueshme është fitore e Shtetit të së Drejtës përballë përpjekeve të vazhdueshme arbitrare të këtij pushteti për të zëvendësuar drejtësinë që duhet ta japin gjykatat me një byro partiake që do të shkatërronte sigurinë juridike të qytetarëve në emër të “reformës” në drejtësi. Kjo është fitore e sundimit të ligjit dhe e të drejtave të njeriut mbi tendencën për frikësim e shantazh nga pushteti’’, shkruan Tahiri.

Gjykata Kushtetuese të martën e ka shpallë të pavlefshëm në tërësi Ligjin për Byronë Shtetërore për Verifikimin dhe Konfiskimin e Pasurisë së Pajustifikueshme.

https://kosovapress.com/kushtetuesja-rrezon-ligjin-per-byrone-e-konfiskimit-te-pasurise-se-pajustifikueshme-i-jep-te-drejte-pdk-se