Pas suksesit, Munishi jep vlerësimin e tij për ndeshjen
5-Fifth
Lexohet për: 2 min.
Dëgjoje me zë...
Pas suksesit, Munishi jep vlerësimin e tij për ndeshjen
Trajneri i skuadrës të Lirisë së Prizrenit, Ismet Munishi, ka dhënë një prononcim për KosovaPress pas ndeshjes derbi ndaj Dinamos të Ferizajit, ku skuadra e tij siguroi play-offin me një fitore bindëse me rezultatin 5-1.
Në deklaratën e tij, Munishi ka theksuar se rezultati nuk pasqyron realisht zhvillimin e lojës, duke vlerësuar kundërshtarin dhe organizimin e tij.
“Po ishte një ndeshje derbi. Unë mendoj që rezultati nuk ka qenë real. Kemi pasur një kundërshtar shumë të fortë. Është bërë një ndeshje e mirë, por sot çdo gjë na ka shkuar përdore edhe me të vërtetë, unë i përgëzoj djemtë, por mund të them lirisht që Dinamo e ka pasur edhe posedimin e topit edhe sot, me thënë të drejtën, ky nuk është rezultati real që e kemi parë. Neve çdo top na u ka futur në gol, por kemi pasur një kundërshtar shumë të fortë përballë” – deklaroi Munishi.
Në lidhje me kundërshtarin, Munishi e vlerësoi kundërshtarin si një klub shumë të organizuar dhe e ka falënderuar për mikpritjen. Ai ka theksuar se ndeshja ishte e rëndësishme, fantastike dhe korrekte, duke shtuar se vetëm kështu mund të ecet përpara.
“Kundërshtari është me të vërtetë një klub jashtëzakonisht i organizuar, i falënderoj për mikpritje. Falënderoj presidentin, të gjithë, trajnerin, stafin, të gjithë për një pritje shumë të mirë. Ndeshja ka qenë e rëndësisë së veçantë, por me të vërtetë është bërë një ndeshje fantastike, fair, korrekte edhe ne vetëm kështu mundemi me shkuar përpara” – ka thënë Munishi.
Ndërkohë, foli për përgatitjet e ekipit të tij, dhe komentoi se cilat janë sfidat e barazhit.
“Mirë, mirë. Ne jemi duke punuar jashtëzakonisht mirë. Tash jemi duke u përgatitur edhe për barazh edhe çdo gjë është në rregull. Ato janë ndeshje të rëndësisë së veçantë, janë ndeshje të vështira edhe nuk i dihet asnjëherë’ – shtoi Munishi.
Ky prononcim vjen pas një ndeshjeje të rëndësishme ku Liria e Prizrenit siguroi play-offin me fitore ndaj Dinamos së Ferizajit.
KosovaPress
