Instituti Hidrometeorologjik i Kosovës (IHMK) ka bërë të ditur se sot, e mërkurë, mbi vend do të mbajë mot me diell dhe vranësira të shpërndara, ndërsa gjatë pjesës së dytë të ditës vranësirat do të shtohen gradualisht.

Sipas parashikimit, në disa zona të vendit vranësirat mund të krijojnë kushte për reshje lokale shiu, të shoqëruara me shkarkesa elektrike. Në zona të izoluara nuk përjashtohet mundësia e paraqitjes së breshërit.

Era do të fryjë kryesisht nga verilindja, me shpejtësi prej 1 deri në 11 metra në sekondë.