Padia e Ronaldos ndaj Juventusit, caktohet data e gjykimit
Çështja ligjore e Cristiano Ronaldos kundër Juventusit për pagat e papaguara gjatë pandemisë Covid-19 do të shqyrtohet më 4 tetor.
Sulmuesi portugez po kërkon 17.15 milionë funte neto, që ai thotë se klubi i premtoi kur pranoi të shtynte pagat gjatë izolimit në pandemi, raporton KosovaPress.
Me pezullimin e futbollit në Itali, lojtarët e Juventusit së bashku ranë dakord për atë që u përshkrua si një "manovër pagash" në mars të vitit 2020.
Një shtyrje e dytë u ra dakord në vitin 2021, pasi klubi vazhdoi të luftonte financiarisht, por negocioi individualisht me secilin lojtar dhe agjentët e tyre.
Ronaldo, 38 vjeç, i cili tani luan në Arabinë Saudite për Al Nassrin, ka vendosur se dëshiron t’i marrë paratë që Juventusi i detyrohet.
Ai ka kërkuar dokumentet përkatëse nga Prokuroria Publike e Torinos dhe tani “Gazzetta dello Sport” thotë se gjyqi do të fillojë të mërkurën e javës së ardhshme.
Ronaldo kaloi tre sezone të plota me Juventusin midis vitit 2018 dhe 2021, duke shënuar 101 gola në 134 ndeshje dhe duke e ndihmuar klubin të fitojë dy tituj të Serie A dhe një Kupë të Italisë.
