Presidentja e vendit, Vjosa Osmani, është nderuar me Çelësin e Qytetit nga Komuna e Tetovës.

Gjatë vizitës zyrtare në Maqedoninë e Veriut, ajo është pritur në takim edhe nga kryetari i Tetovës, Bilall Kasami, ku është diskutuar edhe për mundësitë e bashkëpunimit me komunat e Kosovës.

Lidhur me këtë vizitë ka njoftuar Zyra e Presidencës, duke theksuar se Osmani e ka vlerësuar rolin historik të Tetovës për shqiptarët.

“E nderuar që vizitën në Tetovë ta filloj me Çelësin e Qytetit nga kryetari i Komunës, Bilall Kasami, një simbol i përkushtimit tonë të çdoditshëm për të qëndruar pranë bashkëkombasve tanë”, ka thënë Osmani.

Kjo është dita e dytë e vizitës së Osmanit në Maqedoninë e Veriut.

https://kosovapress.com/admin/osmani-ne-shkup-e-ardhmja-e-vendeve-tona-eshte-ne-familjen-euroatlantike/

Të mërkurën ajo është pritur me nderime shtetërore nga homologu i saj, Steve Pendarovski, dhe i është drejtuar me një fjalim deputetëve të Kuvendit.

https://kosovapress.com/admin/osmani-kerkon-investime-ne-komunat-shqiptare-ne-rmv-te-garantohet-perdorimi-i-shqipes/