Presidentja e Kosovës, Vjosa Osmani, ka uruar sot mbretin e ri të Danimarkës, Frederikun X.

“Urimet tona të përzemërta madhërisë së tyre Mbretit Frederik X dhe Mbretëreshës Mari për ngjitjen e tyre në fronin e Danimarkës. Le ta udhëheqin vendin e tyre drejt sukseseve të reja”, shkruan Osmani në rrjetin X.

Ajo ka shtuar se i bashkohen popullit të Danimarkës për të nderuar trashëgiminë e shërbimit të përjetshëm të Mbretëreshës Margrethe II.

Mbreti Frederik X u bë regjenti i ri i Danimarkës të dielën pasi nëna e tij Mbretëresha Margrethe nënshkroi një deklaratë për abdikimin e saj.

Mijëra danezë vërshuan rrugët midis pallatit dhe rezidencës mbretërore në kryeqytetin Kopenhagë për të dëshmuar ngjarjen e paprecedentë. Mbretëresha nënshkroi një deklaratë për abdikimin e saj në një këshill qeveritar në parlament.

Ceremonia e nënshkrimit caktoi zyrtarisht Frederikun të bëhej mbret. Policia në qytet vlerëson se më shumë se 100.000 njerëz dolën në rrugë për të pritur Mbretin e ri.

I lindur në vitin 1968, Frederik Andre Henrik Christian është fëmija i parë i Margrethe dhe bashkëshortit të saj të ndjerë, Princi Henrik, i cili vdiq në vitin 2018.

Emri i tij u zgjodh në përputhje me zakonin mbretëror danez që trashëgimtari i dukshëm të quhej Frederik ose Christian. Vëllai i tij i vetëm, Princi Joachim, u lind në vitin 1969.

Djali i mbretit Frederik, Christian - tani zyrtarisht princi i kurorës - ishte gjithashtu i pranishëm në ceremoninë e nënshkrimit. Ndërkohë, Maria e lindur në Australi është e para e zakonshme që bëhet mbretëreshë në Danimarkë.

Mbretëresha Margrethe njoftoi synimin e saj për të abdikuar fronin në fjalimin e saj të Vitit të Ri. Në moshën 83-vjeçare, ajo tha se zyrtarisht do të tërhiqej më 14 janar pas pesë dekadash në fron.

Ajo u ngjit në fron në vitin 1972, pas vdekjes së babait të saj, mbretit Frederik IX. Ajo është bërë monarkia e parë daneze në gati 900 vjet që abdikon vullnetarisht.