Pozitë e opozitë janë përplasur në Komisionin Hetimor lidhur me nivelin e menaxhimit të marrëdhënies së punës të anëtarëve të shërbimit të jashtëm dhe zyrtarëve të MPJD-së. Deputetë të Lëvizjes Vetëvendosje kanë deklaruar se kanë bërë reformë të thellë në këtë ministri nga viti 2019. Për këtë kanë reaguar deputetët e opozitës të cilët thanë se MPJD nuk po ofron dokumentacionet e kërkuara, ani pse disa herë kanë kërkuar materialet e nevojshme për hetim.

Në mbledhjen e sotme të komisionit është mbajtur takim me tre ekspertët e angazhuar në këtë hetim. Këta të fundit kanë prezantuar listën e dëshmitarëve që do të dëshmojnë.

Deputetja e Partisë Demokratike të Kosovës, Ariana Musliu Shoshi është pajtuar me listën e prezantuar, veçse theksoi se Ministria e Punëve të Jashtme ende nuk ka dorëzuar të gjitha dokumentet e kërkuara nga komisioni.

Kryetarja e këtij komisioni, Time Kadrijaj tha se dy herë ka dërguar kërkesa në ministrinë e Punëve të Jashtme dhe Diasporës që të sjellin dokumentet e kërkuara.

Për listën preliminare të dëshmitarëve, deputetja Jeta Statovci kërkoi që të përfshihen edhe anëtarët e komisionit në dhënien e propozimeve.

Deputetja e Lëvizjes Vetëvendosje, Fitore Pacolli tha se ministria e Punëve të Jashtme ka filluar një reformë të thellë nga viti 2019. Për çka ka reaguar deputetja e Partisë Demokratike të Kosovës. Më tej, deputetja e PDK-së, Ariana Musliu Shoshi tha se që shtatë herë Ligji për Shërbimin e Jashtëm është shtyrë dhe nuk ka ardhur në kuvend.

Debati ka vazhduar edhe më tej, kur kryetarja e Komisionit Hetimor, Time Kadriaj i tha abuzuese deputetes Pacolli.

Pas kësaj përplasje, deputetet e pushtetit Jeta Statovci e më pas edhe Fitore Pacolli janë larguar nga komisioni.

Lajmi i plotë në sistemin me parapagim...