Tyson Fury ka përsëritur se synon të tërhiqet nga boksi pasi mposhti Dillian Whyte në stadiumin “Wembley” të shtunën mbrëma.

Kampioni i peshave të rënda në ËBC u tregua tejet i sigurt në luftën përball Whyte përpara se të mbyllte meçin në raundin e gjashtë me një goditje të fuqishme, një goditje që nuk ishte në përputhje me cilësinë e pesë raundeve të mëparshme.

Nëse dëshmohet se kjo ishte lufta e fundit e karrierës së Fury-t, do të jetë e duhura, dhe luftëtari nga Morecambe ka pohuar se ai synon të varë dorëzat e tij, përcjellë KosovaPress.

Duke folur pas luftës në Londrën Veriore, 33-vjeçari tha: "Kjo mund të jetë paraqitja e fundit për Mbretin Cigan. Kam kaluar shumë kohë në rrugë. Unë kam qenë larg për një kohë të gjatë. Kam përmbushur gjithçka që kam dashur ndonjëherë të përmbush”.

"Unë do të tërhiqem si i dyti në histori në peshat e rënda, pas Rocky Marcianos, që do të tërhiqem si i pamposhtur. Unë isha i pamposhtur në këtë lojë", shtoi Fury.

Duke mposhtur Whyten, Fury kalon në 32 fitore dhe një barazim dhe me sa duket do të refuzojë një mundësi për t'u përballur me kampionin e unifikuar botëror Oleksandr Usyk i cili mban shiritat IBF, WBA dhe WBO ose rivalin britanik Anthony Joshua.