Alpinisti Alain Robert, i njohur si “Njeriu merimangë franceze”, u ngjit sot në një rrokaqiell 48-katësh në Paris, duke përmbushur objektivin që i vuri vetes kur mbushi 60-vjeç muajin e kaluar.

I veshur me të kuqe, Robert arriti në majë të ndërtesës 187 metra Tour Total Energy, e cila ngrihet mbi zonën e biznesit La Défense në kryeqytetin francez.

“Dua t'u dërgoj një mesazh njerëzve se të jesh 60 nuk është asgjë. Ju ende mund të luani sport, të jeni aktiv, të bëni gjëra fantastike”, tha Rober.

Rober, i cili gjithashtu donte të përdorte mundësinë për të rritur ndërgjegjësimin për nevojën për veprim kundër ndryshimeve klimatike, tashmë është ngjitur në kullën Total Energy në shumë raste.

Ai filloi të ngjitej në vitin 1975, duke u stërvitur në shkëmbinjtë në Francën jugore dhe shpejt u bë një alpinist më i mirë.

Që atëherë, ai ka ngjitur më shumë se 150 ndërtesa të larta anembanë botës, duke përfshirë Burj Khalifa në Dubai - ndërtesa më e lartë në botë, Kulla Eifel dhe Ura Golden Gate në San Francisko.

Ai u arrestua disa herë për ngjitje pa leje. Dihet se ai ngjitet pa parzmore, duke përdorur vetëm duart e tij të zhveshura, një palë këpucë ngjitjeje dhe një qese pluhur shkumës. Për Robert-in, bëmat e tilla shpesh përdoren për të mbledhur fonde për bamirësi.