Një person ka humbur jetën dhe një tjetër është lënduar si pasojë e një aksidenti trafiku në dalje të Mitrovicës.

Zëdhënësi i Policisë për rajonin e Mitrovicës, Avni Zahiti, ka bërë të ditur për KosovaPress se në këtë aksident janë përfshirë tri automjete.

“Rreth orës 16:40 është raportuar për një aksident trafiku me pasojë fataliteti i shkaktuar në dalje të Mitrovicës në rrugën nacionale Mitrovicë - Leposaviq. Në aksident janë përfshirë tri automjete: një veturë, një kamionetë dhe një motoçikletë, ku si pasojë e lëndimeve të pësuara në aksident ka humbur jetën motoçiklisti. Ndërsa lëndime ka pësuar edhe një person tjetër, i cili po trajtohet në Spitalin Rajonal në Mitrovicë”, ka thënë Zahiti.

Njësitet përkatëse policore kanë dalë në vendngjarje dhe po zhvillojnë hetimet për aksidentin.