Qytetarët ankohen për vazhdimin e rritjes së çmimeve të artikujve ushqimorë, për mirëmbajtje dhe veshmbathje, duke thënë se një gjë e tillë vetëm sa po e rëndon gjendjen e tyre ekonomike.

Indeksi i tërësishëm i harmonizuar i çmimeve të konsumit sipas Agjencisë së Statistikave të Kosovës është më i lartë në një mesatare prej 2.2 për qind në muajin shkurt të këtij viti, krahasuar me muajin shkurt 2023, teksa inflacioni mujor ishte 0.1 për qind në shkurt 2024.

Qytetari Zeqir Buzuku thotë për KosovaPress se çmimet e artikujve në përgjithësi janë tejet të larta dhe se një pension të vogël arrin mezi t’ia dalë.

Edhe Avni Bikliqi thotë se me një pagë 200 euro në ditët e sotme nuk mund t\ia dalësh as për vete, dhe se nuk bëhet fjalë për familje e gjëra të tjera.

Kosova vend atraktiv për turizëm, rritet numri i vizitorëve rreth 90 për qind • KosovaPress

Ndërsa, qytetari tjetër, Miran Kajtazi, thotë se 50 për qind e popullatës janë të pa punë, ndërkohë që çmimet e artikujve janë rritur 100 për qind, duke rënduar akoma më shumë gjendjen e tyre ekonomike.

Mustafë Kastrati shprehet se nuk ka dukuri më të madhe sesa ngritja e çmimeve.

ASK njofton se shtrenjtimi vërehet me ngritjen e çmimeve të konsumit në këtë periudhë te grupet dhe nëngrupet e COICOP-it energjia elektrike 11.5%, pijet alkoolike 11.2%, pemët 10.1%, peshqit 9.4%, lëndët djegëse të ngurta, dru zjarri, pelet, 8.3%, mallrat dhe shërbimet për mirëmbajtjen e zakonshme të ekonomisë shtëpiake 7.7%, uji mineral, pijet joalkoolike, lëngjet nga pemët dhe perimet 6.5%, biletat e fluturimeve 6.3%, sheqeri, reçeli, mjalti, çokollata dhe ëmbëlsirat 6.2%. /A. Shala/

Lajmi i plotë në sistemin me parapagim.