Agjencia e Statistikave të Kosovës (ASK) ka publikuar Indeksin e Çmimeve të Prodhimit për tremujorin e parë të vitit 2023.

Indeksi i tërësishëm i çmimeve të prodhimit në Kosovë u ngrit për 3.2 për qind në tremujorin e parë të këtij viti krahasuar me tremujorin e katërt të vitit 2022. 

https://kosovapress.com/admin/ngriten-cmimet-e-importit-prej-8-6-per-qind-krahasuar-me-nje-vit-me-pare/

Sipas raportit të ASK-së, ngritje më të mëdha sipas degëve të veprimtarive ekonomike vërehen te: nxjerrja e xehes së metalit 15.0%, prodhimi i letrës dhe produkteve prej letrës 11.6%, përpunimi i produkteve ushqimore 7.9%, prodhimi i makinerisë dhe pajisjeve p.k.t 7.1%, prodhimi i pijeve 6.8%, prodhimi produkteve kimike 6.0%, prodhimi i mjeteve motorike të transportit, rimorkiove dhe gjysmë rimorkiove 4.6%.

Po ashtu sipas raportit, grumbullimi, trajtimi dhe furnizimi me ujë pësoi ngritje 4.6%,  prodhimi i produkteve minerale jo metalike 4.2%, prodhimi i produkteve të gomës dhe të plastikës 3.3%, xeheroret dhe guroret e tjera 3.2%, prodhimi i pajisjeve elektrike 2.4%,  prodhimi i drurit dhe i produkteve të drurit dhe të tapës, përveç mobilieve: prodhimi i artikujve nga kashta dhe materialeve të gërshetuara – thurëse 1.8%, prodhimi i mobilieve 0.8%, dhe energjia elektrike, gazi, avulli dhe furnizimi me ajër të kondicionuar 0.6%.

“Ngritja u neutralizua nga rënia e çmimeve te: prodhimi i  produkteve të fabrikuara metalike, përveç makinerisë dhe pajisjeve 2.4%, prodhimi produkteve të lëkurës dhe produkteve prej lëkurës 1.4%, dhe prodhimi i metaleve 0.7%.

https://kosovapress.com/admin/rriten-cmimet-e-prodhimeve-blegtorale-16-89-per-qind/

Ndërkaq, krahasuar TM1 2023 me TM1 2022, çmimet e prodhimit pësuan rënie në një mesatare prej 0.1%.

Sipas ASK, rënie më të mëdha sipas degëve të veprimtarive ekonomike vërehen te: energjia elektrike, gazi, avulli dhe furnizimi me ajër të kondicionuar 14.8%, prodhimi i produkteve të fabrikuara metalike, përveç makinerisë dhe pajisjeve 3.1%, prodhimi i metaleve 2.5%, prodhimi i produkteve të lëkurës dhe produkteve prej lëkurës 0.6%, dhe prodhimi i mobilieve (-0.3%).

”Rënia u neutralizua nga ngritja e çmimeve te: prodhimi i letrës dhe produkteve prej letrës (24.5%); xeheroret dhe guroret e tjera (20.9%); prodhimi i pijeve (9.6%); prodhimi i produkteve kimike (9.6%); përpunimi i produkteve ushqimore (9.1%); nxjerrja e xehes së metalit (8.4%); prodhimi i produkteve minerale jo metalike (5.8%); prodhimi i makinerisë dhe pajisjeve p.k.t (5.8%); prodhimi i produkteve të gomës dhe të plastikës (5.1%); prodhimi i drurit dhe i produkteve të drurit dhe të tapës, përveç mobilieve: prodhimi i artikujve nga kashta dhe materialeve të gërshetuara – thurëse (4.6%); grumbullimi, trajtimi dhe furnizimi me ujë (4.6%); prodhimi i mjeteve motorike të (transportit), rimorkiove dhe gjysmë rimorkiove (2.7%); dhe prodhimi i pajisjeve elektrike (1.2%)”, thuhet në njoftim.

https://kosovapress.com/admin/%e2%80%8bcmimet-e-perimeve-vazhdojne-te-mbesin-te-larta-ankohen-qytetaret/

https://kosovapress.com/admin/bie-qarkullimi-i-industrise-minerare-e-gurore-dhe-asaj-perpunuese/