Numri i të vdekurve në avionin ATR-72 të Jeti Airlines që u rrëzua pranë qytetit Pokhara në Nepal, pak minuta para uljes, është rritur në 70, thanë zyrtarët.

Dy trupa të tjerë u gjetën sot, duke e çuar numrin e të vdekurve në 70, tha Navin Acharya, një zyrtar i shpëtimit në Qendrën e Koordinimit të Aeroportit Katmandu.

Ishin 72 pasagjerë dhe anëtarë të ekuipazhit në fluturimin e Jeti Airlines nga kryeqyteti Katmandu për në qytetin turistik të Pokhara.

Kërkimi për dy personat e mbetur të zhdukur u ndërpre pasi ra errësira dhe do të vazhdojë nesër, tha Acharya.

Zyrtari i policisë së Pokhara, Adzak K.C. tha se të gjithë trupat janë dërguar në spital.

Në kryeqytetin Katmandu, rreth 100 persona ndezën qirinj në një tubim të mbajtur në kujtim të viktimave të aksidentit dhe i bëri thirrje qeverisë që të sigurojë standardet e duhura të sigurisë.